Specialist i Sigurimit të Brendshëm të Cilësisë, ALUMNI dhe Karrierës

Universiteti Politeknik i Tiranës

Afati: 18 Mar 2026 Diploma: Master i Shkencave

Procedura

Specialist i Sigurimit të Brendshëm të Cilësisë, ALUMNI dhe Karrierës

UNIVERSITETI POLITEKNIK I TIRANËS

Njoftim

Njoftim për vend të lirë pune

I. Universiteti Politeknik i Tiranës, shpall 1 (një) vend pune për personel ndihmësakademik pranë Fakultetit të Inxhinierisë Matematike dhe Inxhinierisë Fizike si më poshtë:

A. 1 (një) vend pune për personel ndihmësakademik me kohë të plotë në pozicionin “Specialist i Sigurimit të Brendshëm të Cilësisë, ALUMNI dhe Karrierës”, pranë Fakultetit të Inxhinierisë Matematike dhe Inxhinierisë Fizike duhet të plotësoj kriteret përcaktuese si më poshtë:

Kritere

Kriteret e veçanta

  • Të ketë përfunduar “Master Profesional”, “Master i Shkencave” ose diplomë të integruar në një nga universitet brenda ose jashtë vendit.
  • Të njohë Kornizën Shqiptare të Kualifikimeve dhe të ketë njohuri mbi proceset e sigurimit të brendshëm të cilësisë, në kuadër të akreditimit institucional dhe akreditimit të programeve të studimit.
  • Të ketë njohuri mbi programet e studimit që ofron Fakulteti i Inxhinierisë Matematike dhe Inxhinierisë Fizike, kriteret e pranimit dhe politikat institucionale, si dhe të jetë në gjendje të informojë dhe orientojë nxënësit e arsimit të mesëm mbi këto programe.
  • Të ketë aftësi shumë të mira komunikimi dhe bashkëpunimi, si dhe të jetë në gjendje të këshillojë studentët e diplomuar në Ciklin e Parë për mundësitë e vazhdimit të studimeve në programe të Ciklit të Dytë në FIMIF, në UPT apo në universitete të tjera brenda dhe jashtë vendit.
  • Të zotërojë një gjuhë të huaj të Bashkimit Evropian, në nivel të mjaftueshëm për komunikim profesional.
  • Të ketë njohuri të mira në përdorimin e programeve bazë kompjuterike (paketa Office dhe sisteme të menaxhimit të të dhënave).

Dokumenta dhe Afati

II. DOKUMENTACIONI DHE AFATI I DORËZIMIT

Kandidatët që aplikojnë duhet të dorëzojnë dokumentet si më poshtë:

  1. Letër motivimi;
  2. Jetëshkrimin (CV) sipas formatit standard;
  3. Fotokopje të pasaportës ose kartës së identitetit;
  4. Diplomën e studimeve universitare dhe listën e notave të noterizuara; (Aplikantët që kanë kryer studime jashtë shtetit duhet të kenë bërë njohjen e diplomave nga MA);
  5. Fotokopje të librezës së punës të noterizuar;
  6. Vetëdeklarimin e gjendjes gjyqësore;
  7. Vërtetim të gjendjes shëndetësore;
  8. Çdo dokumentacion tjetër që vërteton trajnimet, kualifikimet, arsimin shtesë, vlerësimet pozitive apo të tjera të përmendura në jetëshkrimin e paraqitur;
  9. Dëshminë e gjuhës së huaj e noterizuar.

Afati i dorëzimit

Të gjithë kandidatët duhet të paraqesin brenda datës 18.03.2026 pranë Drejtorisë së Menaxhimit të Burimeve Njerëzore dhe Juridike në Rektoratin e Universitetit Politeknik të Tiranës, dokumentacionin e sipërcituar.