Teknik në Sektorin e Shërbimeve Mbështetëse

Drejtoria e Spitalit Rajonal Fier

Afati: 24 Mar 2026 Diploma: Shkolla e Mesme

Procedura

Teknik në Sektorin e Shërbimeve Mbështetëse

DREJTORIA E SPITALIT RAJONAL FIER

Njoftim për vend të lirë pune

Në zbatim të Udhëzimit nr. 206, datë 9.4.2024 “Për procedurat e punësimit, emërimit, pezullimit, lirimit dhe të disiplinës të punonjësve të administratës në DQOSHKSH, DROSHKSH, NJVKSH dhe Drejtoritë e shërbimit spitalor në varësi të OSHKSH-së, si dhe në Strukturën Analitike të Drejtorisë së Spitalit Rajonal Fier, të miratuar me shkresën nr. 366 prot datë 23.01.2023, nga Ministria e Shëndetësisë dhe Mbrojtjes Sociale, Drejtoria e Spitalit Rajonal Fier, shpall konkursin për 1 (një) vend të lirë pune, Pozicioni: Teknik (kontratë me afat të pacaktuar) në Sektorin e Shërbimeve Mbështetëse pranë Spitalit Fier.

Kritere

Kriteret e përgjithshme

Kandidatët që konkurojnë për vendin e lirë të punës duhet të plotësojnë këto kritere:

  • Të jetë shtetas Shqiptar
  • Të ketë zotësi të plotë juridike për të vepruar.
  • Të jetë në kushte shëndetësore që e lejojnë të kryejnë detyrën.
  • Të kenë mbaruar minimalisht arsimin e mesëm . Preferohet arsim professional Elektricist/ Hidraulik/instalim dhe mirëmbajtje kondicionerësh, etj.
  • Të kenë eksperiencë në punë përbën avantazh
  • Të kenë aftësi të mira komunikuese.
  • Të kenë aftësi të mira menaxhuese për punën në grup.

Përshkrimi i Punës

Përshkrimi përgjithësues i punës

  1. Kujdeset për mirëmbajtjen e përgjithshme të ndërtesës në hapësirat e brendshme si dhe ato të jashtme;
  2. Riparon, mirëmban dhe instalon elemente të sistemit elektrik, hidro-sistemit, ngrohjes qendrore, inventarit dhe pajisjeve të tjera;
  3. Kujdeset për mbajtjen e kontakteve me autoritetet/kompanitë e specializuara teknike në rast të intervenimeve dhe asiston me rastin e riparimeve;
  4. Kujdeset për të lëshuar në punë dhe ndërprerë sistemet e ngrohjes qendrore, ftohjes/klimave, gjeneratorët elektrikë, ashensorët dhe pajisjet tjera sipas nevojës;
  5. Përgatit specifikimet teknike për furnizim me produkte dhe materiale të nevojshme për mirëmbajtje të objektit;
  6. Kryen edhe punë të tjera sipas nevojës dhe kërkesës që vjen nga mbikëqyrësi direkt.

Dokumenta

Paraqitja e dokumentave : Kandidati/ja duhet të paraqesë në sekretarine e Drejtorisë së Spitalit Rajonal Fier Brenda një jave nga data e botimit të këtij njoftimi në Buletinin e APP këto dokumenta:

  1. Kërkesën me shkrim për aplikim
  2. Curriculum Vitae (Jetëshkrimin)
  3. Fotokopje të noterizuar të diplomës dhe listës së notave të arsimit përkatës.
  4. Fotokopje të noterizuar të certifikatave të kurseve të trajnimit në fushat e kërkuara.
  5. Fotokopje e noterizuar e librezës së punës( n.q.s ka qënë i punësuar ).
  6. Dëshmi të aftësisë shëndetësore për punë e tre muajve të fundit .
  7. Fotokopje të kartës idenditetit.
  8. Referencë pune ( n.q.s ka qënë i/e punësuar), nga punëdhënësi i mëparshëm , nëse ka .
  9. Vërtetim nga Gjykata.
  10. Vërtetim nga Prokuroria.
  11. Vërtetim i gjendjes gjyqësore lëshuar nga Ministria e Drejtësisë (Dëshmi penaliteti e tre muajve te fundit).
  12. Çertifikatë familajre
  13. Çertifikatë personale

Mosparaqitja e dokumetave ose mosparaqitja e plotë e tyre, sjell s’kualifikim të kandidatit.

Dokumentacioni i dorëzuar nuk do të kthehet mbrapsht, pasi do të bëhet pjesë e arkivës së institucionit.

Konkurimi është i hapur si për punonjësit brenda spitalit si dhe për personat nga jashtë.

Afati i Aplikimit

Kanidatët e interesuar duhet të paraqesin dokumentat në sekretarinë e Drejtorisë së Spitalit Rajonal Fier brenda një jave nga data e publikimit të këtij vendimi.